كلمات اغنية ساحات القتال فلاح المسردي

كلمات ساحات القتال فلاح المسردي

ساحات القتال كلمات مكتوبه اغنية من أغاني فلاح المسردي عرض كلمات الأغنية

للحزن ساحاتـ(ـن) بصدري مثل ساحات القتال...
... فيها الأصيل من المهار تعود بخيالها

ولايطفي حر مابي من حرايق وإشتعال...
... إلا الدموع اللي من عيوني يهل هلالها

لازال فيها دمعتين من الفراق ولاتزال...
... ذكرى هنوفـ(ـن) كل يوم أحطها وأشتالها

راحت عسى الله مايلحقني مشاريه الرجال...
... يقول كني ماخلقت من التراب إلا لها

عز الله إني مانسيت أفعالها بنت الحلال...
... لعل ربي مايجازيها بسوء أفعالها

أكبر جريمه ترتكبها في الهوى من وسع بال...
... لأول ضحاياها بصدري شيدوا تمثالها

شلون تهجرني وأنا مالي على الهجر إحتمال...
... وشلون تهملني وأنا مانيب أطيق همالها

شلون تقطعني بسيف البعد قطاع الوصال...
... وأنا لو أقطع عرق قلبي ماقطعت وصالها

وشلون ماتشتاق؟ ماترحم؟ ماتذكر؟ ماتسال؟...
... وشلون ماتطلق يدينـ(ـن) كبلت بأغلالها

وشلون مايطري عليها لاتفيت في الظلال...
... متشبثـ(ـن) لاوقفت جنبه قعد بظلالها

مكسور خاطر والسؤال أعوذ من ذل السؤال...
... ياما انتظر من برج هاتفها يبث إرسالها

لكن ما للآدمي حيله لامن الحظ مال...
... للميله اللي فال ربي خير له من فالها

هي فقدتني من هنا وأنا فقدت الإتصال...
... من يوم راحت لارسايلها ولا جوالها

ياقسوه الأيام والحظ الردي والإتكال...
... على مقوله للمواقف واللزوم رجالها

يا الله دخليلك من تردايت نسيب وشين فال...
...من حيرت أمري ليت عندي حليتـ(ـن) وأحتالها

إن رخصت قدري وطاحت قيمتي والهجر طال...
... قولولها تترك مكابرها وتاخذ بالها

أنا من اللي فوق فوق وهاي هاي وعال عال...
... تركد ويركد عمها معها ويركد خالها

لاوصلت للحد هذا لانقاش ولاجدال...
... تبعد وتنكف الأمور دقاقها وجلالها

لو المفارق صعب والنسيان ضرب من الخيال...
... إرخاي راسي لايروق لها ولا يحلا لها

أحفظ لها قيمه غلاها وأنتظرها من شمال...
...إذا نستني هاذي الدنيا وهذا حالها

أما إني أنساها نسى الله من نسى ذاك القبال...
... ياصب روحي صب دلتها على فنجالها

قولولها لاستخسرت فيني ريالين إتصال...
... تهدي على جمعيه الصم البكم جوالها

عرضنا لكم كلمات أغنية "ساحات القتال" غناء فلاح المسردي كامله ويمكن استماع الأغنية بالكلمات في الفيديو أدناه

معلومات عن ساحات القتال

اسم الأغنية: ساحات القتال

الفنان: فلاح المسردي

كلمات: مدغم ابوشيبه

أغاني اصدار: 2023

المصدر: يوتيوب

أغنية فلاح المسردي ساحات القتال