كلمات اغنية أول تجربة فايز الدوسري
كلمات أول تجربة فايز الدوسري
أول تجربة كلمات مكتوبه اغنية من أغاني فايز الدوسري عرض كلمات الأغنية
ذكريات الحب و اول محطات الغرام
داهمت عقلي بشي عجز يستوعبه
وقمت ادافع دمعت العين لو ماهي حرام
واغلبتني وانكساري لها ما أستغربه
كل ذكرى ضربها أشد من ضرب الحسام
ومن حداه الشوق كيف البكا مايغلبه
وقمت اعبر عن شعوري واترجم بالكلام
ولا استمع فاللي يقول اعذب الشعر اكذبه
اصدقه من صادق ما عليه من الملام
هو طراة الشعر واحلا بيوته واعذبه
ياوجودي وجد من حط راسه للمنام
في رجا الراحه بعد اكثر جهده وتعبه
يوم قام النوم يعطيه وضع الانسجام
ويسلب افكاره وصحوة من العين سلبه
فز من لذة نعاسه على صوت الغلام
يعتزي في ساس جده ويفتل بشنبه
وقام له مفزوع والعين غاشيها عسام
ولا اتزن في موقفه لين يبديه قضبه
قال له والصوت جا فيه مخارجه انقسام
نبرة اللي صابه العلم وهو مكذبه
ما حداك لغزوة ابوي جعله للرحام
غير شي يمكن انا نروح بسببه
قال اخوي اللي نعده ليا كبر المقام
سعد عين اللي نصاله بحمله وعجبه
شفته بعيني بعد ما اعتزابي في الانام
واصل مجرئ وريده ليا حد ركبه
وقبل تصعد روحه الطاهره فوق الغمام
قال دمي للمعادين لا يعطئ هبه
وصحت بـ اعلئ الصوت لين افترق ضول الزحام
كني اللي صايبه شر عين معجبه
واستدرت لوارد الروس واخليت الحزام
واربعه في ثار اخويه ودمه وطلبه
ولا لبث غير الحكومه ينادونه شمام
وصدر القاضي بحكمه بعد ما استجوبه
وودعه وعيون الاخصام تبغئ الانتقام
قال انا ميت لا تسعئ بدمي يا يبه
وصد صدة صايم عن ملذات الطعام
وانهزم قدام جور الحياه المربعه
وعقب ماله في ربوعه مكانه واحترام
كم حمول شالها عن ربوعه منكبه
وان قلط ما يقلط الا علئ مقدم السنام
وان تكلم لعذب الهرج كل يسمعه
صار محد فـ الجماعه يوليه اهتمام
اختلف ثم ودعته الثقه والموهبه
صابه من الفقد سجه وخفه وانفصام
واخلفت سود المقادير حتئ مذهبه
مثل وجده وجد حالي علئ راع اللثام
يوم وادعني بكفه وسلهم بهدبه
انتي يا من علم القلب اساليب الهيام
كيف تجرا توعده بالامان وتنهبه
وانته اول حب وانت البدايه والختام
وانته اللي مال زينك مع العالم شبه
وانته اقرب شخص للقلب وانت اقوئ الخصام
وانته اصعب مسأله حب وانت الاجوبه
استلمت القاب صامد وخليته حطام
كان ماتقدر تحافظ علئ قلبي جبه
احسبني عن هوئ الغيد عندي عزم تام
وانجراف قلبي مع الحب فـ اول تجربة
عرضنا لكم كلمات أغنية "أول تجربة" غناء فايز الدوسري كامله ويمكن استماع الأغنية بالكلمات في الفيديو أدناه
معلومات عن أول تجربة
اسم الأغنية: أول تجربة
الفنان: فايز الدوسري
كلمات: نواف عيد
أغاني اصدار: 2023
المصدر: يوتيوب
أغنية فايز الدوسري أول تجربة
Loading...